命運隨筆 - 港姐冠軍陳曉華

陳曉華，２０１８年港姐冠軍。
乜咁耐架拿？我係記得佢係港姐冠軍，但原來巳經係八年前，時光真的飛逝。

呢期人氣急升，因為最近大台播嗰套劇宣傳得好勁，在臉書成日見到套劇嘅片段同相片。

佢嘅資料喺網上搵到嘅唔算多，可以搵到佢嘅年月日開個三柱嚟睇睇。

甲木生於子月，印格加上冬天，用丙火是必然的，印格用食泄。

用火，其實反而原局唔係太忌水。即係由選港姐到現在，佢未正式行過火運，所以入行初期，機會不多，所以要靠流年才可引爆。

年柱一柱甲戌，比肩尅偏財，就知道她出生不會有錢，甚至乎不列入小康之家的普通平凡人家。
她出生後，家境一路有所改善，因為用神就在月柱。
丙火食神為用，心地善良，文靜，善於直接表達，但硬頸，唔係好識變通而有啲固執嘅。
２０１３—２０２２走甲戌大運，甲戌即係同年柱一樣，所以喺呢段時間佢錢搵不多，但佢又喺呢段時間贏到港姐冠軍，因為丙火用神無受傷，而２０１８年戊戌財極旺用比劫，所以呢一年佢係有運嘅，加上佢外表樣子討好，配合起來的確如有神助。
但當選後，仍機會不多，因為甲戌大運未完。

２０２３年開始走癸酉大運，官印相生，要火但來金水，本來不美，但癸水生甲木，甲木生丙火，無大礙。

值得一提，癸酉大運為陳曉華的桃花運，佢應該會喺呢一年，找到佢心儀對像。

不過，大運酉官走咗出嚟，去年２０２５年被流年乙巳地支之食神所尅，今年丙午年，地支午火尅大運酉金官星，流月庚寅辛卯，被流年丙午尅掉，所以今年的姻緣運不濟。

呢樣只係佢人生中的小枝節，因為佢做演藝事業，用火，所以官星被尅，不代表佢事業破敗，反而可以讓佢有破格演出，只是伴隨著佢嘅，呢兩年會係一啲娛樂圈中的是非吧。

又，差啲講漏咗，因為乙巳的乙天干，為日主的劫財，女命逢劫財，如果愛得太高調，恐會出現感情危機。

而這女命，因為夫妻宮沖，感情事必定難以穩定下來。所以，遲婚，低調，不正常姻緣，不失為她的解決方法。

但今個大運，桃花大旺，所以這才是這八字要留意的課題。
剛才有提及，她要火郤來金水，所以當走完２０２５，２０２６，２０２７三年木土旺之流年後，又從新走回土金的流年，這幾年發展只能平穩，所以必定要在這三年把握好機會，係咁拍戲，爭取多啲演出機會，咁之後日子就算唔係特別好運，但都起碼有平穩的演出機會。

#陳曉華 #死有對證 #八字 #命理 #奇門遁甲